Posted in My Music, Poem

எங்கோ ஒரு பாதை

எங்கோ ஒரு பாதை
என்றோ பயணித்த பாதை
தடங்கள் பதியா பாதை அது
எங்கோ ஒரு பாதை

யார் கண்களிலும் படாமல்
நம் கண்களைக் கட்டிக்கொண்டு
புரியாமல் நடந்த பாதை
எங்கோ ஒரு பாதை

ஏன் எதற்கு என்று ஒன்றும் அறியாமல்
தொடாமல் தொட்டும் படாமல் பட்டும்
பயணம் செய்தோமா என்றறியாத பாதை
எங்கோ ஒரு பாதை

கண்களைத் திறந்தோம்
நானில்லை நீயுமில்லை
ஆனால் பாதை தெரிகிறது

பிரிந்து சேர்ந்த பழைய பாதையா?
புரிதலால் பெயர்த்த புதிய பாதையா?

பயணிப்போமா?
இம்முறை கண்களை மூடாமல்?